EAJ-PNV BAKIO

1. BAKION BIZI

Bakion bizi nahi duten bakiotarrei aukera berriak eskainiko dizkien Etxebizitza Babestu berria sustatzea da gure lehentasuna. Gazteek euren oraina eta etorkizuna Bakion eraiki ahal izatea nahi dugu.

Helburua: Urte osoan Bakion bizi ahal izateko eskaintza nahikoa eta eskuragarria.

Proposamenak
• BFArekin batera, Bakea-Bekoerrotako 42 etxebizitza tasatuak sustatzea, atzerapen gehiago barik
• HAPOren onarpena bizkortzea  gure ingurunea eta ondarea errespetatzen duten hirigintza-garapen batekin •Etxebizitza hutsak aktibatzea erraztea, alokairu egonkorrera bideratuz
• Eraikitakoa berrerabiltzeko eta eraikuntza zaharrei balioa emateko neurriak

EAJ/PNVk 2008 eta 2015 artean, 102 babestuko etxebizitza sustatu zituen (Nazape eta Uribe) eta ordutik ez da eskaintza publiko gehiagorik izan. Beharrezkoa da etxebizitzaren arloan ikuspegi berri bat izatea, herritarren egungo beharrei aurre egiteko.

EAJ-PNVk bere hauteskunde-programan berehala martxan jarriko lituzkeen premiazko hainbat jarduera bereizi ditu. Horien artean, etxebizitza babestuaren sustapena nabarmentzen dugu. Babes publikoko etxebizitzen eskaintzak beheranzko eragina dutelako merkatuko prezioetan, eta erosteko ahalmen txikiena duten herritarrentzat etxebizitza eskuragarriak jartzen dituelako. Helburu horrekin garatu ziren Nazape eta Uribe 2008an eta 2015ean. Gaur egun, gizarte-bizitasuneko eremu bihurtu dira, eta bakiotar familia asko bizi dira bertan.

Hori dela eta, gure udal-taldeak proposatzen du berehala kudeatzea Bakea-Bekoerrotan planifikatutako 42 etxebizitza babestuak (tasatuak), Bizkaiko Foru Aldundiarekin lankidetzan (dagoeneko urbanizatuta dagoen lurraren jabea), ahalik eta lasterren, HAPOa behin betiko onartu arte gehiago itxaron beharrik gabe, eta aukera berriak sortzea Bakion beren bizi-proiektua garatu nahi dutenentzat.

Udalerriko gainerako eremuen garapen urbanistikoa ere sustatu behar da, ingurune sozio-ekonomiko berriekin. Eta EAJ-PNV udal taldearen ahalegin horretan HAPOren behin betiko onarpena arintzen saiatuko gera.

Berehalako lehen jarduketa horretaz gain, EAJ-PNVk hainbat neurri aurreikusten ditu, hala nola tasak murriztea eta administrazio-izapideetan erraztasunak ematea dagoeneko eraikita dagoena berrerabiltzeko, etxebizitzak energia-eraginkortasunean birgaitzeko, mugikortasunaren gaiarekiko bereziki sentikorrak diren kolektiboentzako irisgarritasuna hobetzeko, batez ere igogailuak jartzeko.

Alokairu-erregimeneko etxebizitzari dagokionez, gaur egun eskaera handia da Bakion, eta eskaintza urria. Horregatik uste dugu beharrezkoa dela gai hori azpimarratzea alokairu sozialari dagokionez, eta beste horrenbeste etxebizitza hutsen eskaintza alokairu egonkorrera bideratzea, administrazio autonomiko eta foralarekin lankidetzan.

2. BAKION AUZOAK 

Auzo bakoitzeko ordezkari bat sortzea proposatzen dugu, haiei eragiten dieten udal-erabakietan parte-hartze eta gardentasun handiagoa emanez, auzoei merezi duten garrantzia itzuliz, hiriarteko lotura hobetuz eta kalitatezko udal-zerbitzuak emanez.

Helburua: Gure auzoak ez ahaztea

Proposamenak:
• Auzoetako irisgarritasuna eta bizi-kalitatea birpentsatu: bideak, argiteria, hondakinen bilketa
• Auzo-ordezkariaren figurea sortzea, Udalaren eta bizilagunen artean kanal zuzen bat sortuz

Bakioko bizi eta etorkizun proiektuez hitz egiten dugunean, ezin ditugu gure auzo tradizionalak ahaztu. HAPO berriak aintzat hartu ere egiten ez badu ere, landa-eremuetako irisgarritasuna eta bizi-kalitatea birpentsatu behar dira. Despopulazioa geldiarazteko eta landa-komunitateen biziraupena bermatzeko, beharrezkotzat jotzen dugu auzoetan esku hartzeari ekitea, sarbideak, argiteria eta zerbitzuak hobetuz. Horri esker, konexio telematikoetan, saneamenduan eta ur-horniduran aurrera egin ahal izango litzateke, eta, horrela, familia gazteak erakarriko lirateke, naturarekin harremanetan dagoen bizileku iraunkor gisa eta enpresa, artisautza eta zerbitzu-ekimen berri gisa bereizitako ingurune bilatzen dutenak gune horietan. Era berean, aukera emango luke garraio publikoaren eta eskola-garraioaren zerbitzuak behar bezala kokatzeko, eta hori ezinezkoa da gaur egun, ez dagoelako espaziorik eta errepidea estu dagoelako.

EAJk auzoak eta auzoetako pertsonak protagonista izango diren kudeaketaren aldeko apustua egiten du. Herritarrekiko hurbiltasunean eta lankidetzan sinesten dugu, gizartearentzat fruitu eta onura handienak sortzen dituen tresna den aldetik. Auzokide egoiliarren artean, auzo-ordezkari bat aukeratuko dute, eta Udalak, aldian-aldian, auzo bakoitzak hartutako konpromisoen berri eman eta/edo aurkeztutako proposamen eta behar berriak azaldu beharko diete. Horrela, auzo guzti-guztiek udal-gobernuarekin informatzeko eta lankidetzan aritzeko zuzeneko kanal bat sortuko da.

3. BAKION HEZI eta HAZI 

Guk gauza bat argi daukagu: Urkitzako ikasleak dira Bakioren oraina eta etorkizuna. Bakioko eskolaren aldeko apustua egiten dugu, eta Derrigorrezko Bigarren Hezkuntzako etapa Bakion ere izatearen aldekoa. Ikasleentzako ikasketa-guneak prestatzea proposatzen dugu, baita liburutegia ludotekatik bereizitako azterketarako aparteko zati batekin zabaltzea ere.

Helburua: Urkitza ikastetxearen beharrei erantzutea, hezkuntza ekipamendua eguneratzea.

Proposamenak:
• Ikastetxearen hurrengo handitzearekin batera, jolastokian estalitako eremua handiagotzea.
• Bakion DBH ere kontuan hartzeko aukera bultzatzen jarraitzea
• Bedel-2.mailako ofiziala lanaldi partzialean jartzea, eskolako mantentze-lanetarako eta zaintzeko.
• Ikasleentzat: Ikasketa eta lan-guneak jartzea, kultur-etxeako liburutegia handitzea ludotekatik bereizitako ikasketetarako gune aparteko bat izateko.

Plan orokor bat proposatzen dugu, Urkitza ikastetxearen eskola-osasun ona ziurtatzeaz gain, biztanleriaren hazkunde-beharrei erantzuteko. Orain, Urkitza zabaltzen ari den honetan, gure planak barne hartzen du estalki bat eskolako kirol-kantxarako, eremu estalien azalera handiagoa emateko. Eskaera hori gero eta beharrezkoagoa da Urkitzarentzat eta Bakioko biztanle gazteenentzat.

Plan horren barruan sartzen da, halaber, eskola-zerbitzuari laguntzea Bedela-2.mailako ofizial baten dedikazio partzialarekin, instalazioen mantentze-lanak egiteaz gain, eskolaren segurtasuna eta funtzionamendu egokia ere zainduko dituena.

Bakion ere Derrigorrezko Bigarren Hezkuntza izatea nahi dugu, gure haurrek 16 urte bete arte Bakion ikasi ahal izan dezaten. Horregatik, Bakiok duen ahalmen guztia kudeatzen jarraituko dugu, Eusko Jaurlaritzako Hezkuntza Sailarekin lankidetzan.
Bestalde, eta gure ikasleengan pentsatuz, ikasketa-guneak egokitzea proposatzen dugu, bai eta liburutegia zabaltzea ere, lanerako eta gazteen topaketarako giro eta espacio egokiak errazteko.

4. BAKION PERTSONEN ZAINTZA 

Adinekoei eta mendetasun-egoeran daudenei arreta emateko sistema hobetzen jarraitzea. Nagusientzat arreta pertsonalizatuagoa bultzatzea: erosketak egiten laguntzea, gestioak erreztea, podologia-zerbitzu eta antzekoak ematea, landa-taxia, arrisku-egoerak eta bakardade-egoerak minimizatuko dituztenak.

Helburua: Handituz doan adineko biztanleriaren beharrak asetzea

Proposamenak:
•Eguneroko zereginetan laguntzea: gestioetarako, erosketak egiteko eta abarretarako laguntza-sarea
•Bizi-arriskuko egoera bat minimizatuko duten ke-detektagailuak ezartzea
•Bakion podologia zerbitzua eta antzekoak nola hurbildu aztertzea
•Landa-taxien zerbitzua ematea, Gure Etxeara eta anbulatoriora garraiatzeko, herriko jardueretara joateko eta bakardade-egoerak minimizatzeko

Badakigu gizartea aldatzen ari dela eta datozen urteetan gure udalerriko adineko pertsonen kopuruak gora egingo duela.
EAJ-PNVren helburua da zahartze aktiboa, positiboa, osasungarria eta herriaren garapenean integratua lortzeko bitartekoak jartzea, gure herrian bizi-kalitate onaz gozatuz, adina edozein dela ere.

Gure adinekoen eguneroko bizitzan aplika daitezkeen laguntzak identifikatuko ditugu, beren etxeetan ahalik eta denbora gehien egoera onean egon ahal izateko ekintzekin. Gure adinekoen iradokizunei erantzunez, beren etxeak mugikortasun-mugetara egokitzea, oztopo arkitektonikoak kentzea, etxeetan ke-detektagailuak ezartzea, Bakion podologia-zerbitzua eta antzekoak izatea, erosketak egiten laguntzea, adinekoentzako garraioa erraztea Gure Etxeara, anbulatoriora edo herriko hainbat jardueratara joateko landa–taxi zerbitzu batekin.

5. BAKION BERDINTASUNA

Berdintasun Kontseiluarekin batera lanean jarraituko dugu emakumeen eta gizonen arteko benetako berdintasuna lortzeko, berdintasun-politikak zeharka aplikatuz eta herritar guztiengana iristeko bitartekoak indartuz.

Helburua: Emakumeen eta gizonen arteko benetako berdintasuna, emakumeen aurkako indarkeria ezabatzea

Proposamenak:
• Berdintasunerako Kontseilua sendotzeko lanean jarraitzea
• Oraindik jende gehiagorengana iristea. Parte-hartzea eta sareko lana sustatzea

Emakumeen eta gizonen arteko berdintasuna, oinarrizko giza eskubidea izateaz gain, ezinbesteko elementua da gizarte demokratiko, justu eta kohesionatua eraikitzeko.

Bakioko EAJ-PNVk, berdintasunaren alde lan egiten jarraitzeko konpromisoa berritzeaz gain, Berdintasun Kontseilua sendotzeko lan egingo du, hórrela, oraindik jende gehiagorengana iristeko, batez ere parte-hartzea eta sare-lana bultzatuz, emakumeen aurkako indarkeria matxistaren aurrean ahalduntzeko, prebenitzeko eta erreparatzeko gune gisa. Urte osoko lanaren aldeko apustua egiten dugu, egunez egun, eta herritar guztiekin.

6. BAKION LAN. DESARROLLO ECONOMICO y EMPLEO.

Tokiko ekonomiaren alde lan egingo dugu. Udalean Ekonomia Sustatzeko Batzorde berri bat sortzea proposatzen dugu, merkataritza eta ostalaritza, lehen sektorea, tokiko produktuak eta turismo jasangarria babestu eta dinamizatzeko, Bakio urte osoan bizirik mantenduz.

Helburua: Bakio urte osoan bizirik izatea. Bakion enplegu iraunkorra sortzen duen sare sozio-ekonomikoa eta ekintzailea dinamizatzea eta laguntzea.

Proposamenak:
• Udal Gobernuan gure sare sozio-ekonomikoa dinamizatzeko eta laguntzeko eginkizunak aktibatzea
• Toki Garapeneko Udal Batzordea sortzea
• Turismoa, Bakiok agente AKTIBOA izan behar du bere baliabideen kudeaketan
• Atxulo-Mendialde kostaldeko bidea hobetzea, ingurunea babesteko eta bisitarien kopuru handiaren aurrean erabilera arduratsua bermatzeko.

Eragile aktiboa izan behar dugu geure baliabideen kudeaketan (ekonomikoak, sozialak, ondarezkoak, ekologikoak). Ezin dugu aukerak galtzen jarraitu, errealitate horri bizkarra emanda.

Jarduera sozioekonomikoaren egungo geldialdi-egoera iraultzeko, ezinbestekoa da udal-gobernuak bere eginkizun dinamizatzailea eta gure enpresei laguntzeko jarrera jokatzea: merkataritza eta ostalaritza, industrialdea, lehen sektorea eta tokiko produktuak, zerbitzuak, turismo iraunkorra, eta, batez ere, urtarokotasunari aurre egitea. Ez da prozesu indibiduala, eragile sozio-ekonomiko ugariren parte-hartzea beharrezkoa da. Kasu honetan, batasunak egiten du indarra.

Lehenik eta behin, Udalean Ekonomia Sustatzeko/Tokiko Garapenerako Batzorde berri bat sortzea proposatzen dugu, ekonomia babestu eta dinamizatzeko, tokiko merkataritza eta, beraz, enplegua sustatuz, iraunkortasun-parametroen arabera, ikuspegi ekologiko, ekonomiko eta sozial batetik, Bakio urte osoan bizirik mantenduz. Tokiko garapeneko ekintzak sostengatuko dituen Batzordea, udalerriko eragile sozial eta ekonomikoekin batera landuak eta aztertuak.

Bestalde, eta Foru- eta autonomia-erakundeekin lankidetzan, Atxulo-Mendialde bidean hobekuntzak proposatu nahi ditugu, ingurune naturala zaintzeko helburu nagusiarekin, oinezkoentzako ibilbide seguruagoa eta tokiarekiko begirunetsuagoa sortuz, gaur egun Gaztelugatxeko Donienerantz doan auzo-bide hori erabiltzen duten egoiliar eta bisitari kopuru handiaren aldetik. Hainbat istripu larriren ondoren, eta jasaten dituen fluxuak ikusita, ezin da gehiago atzeratu. Beharrezkoa da bidezidorraren balio natural-ondarezkoa zaintzea, informazioa eta seinaleak hobetzea, ingurua modu arduratsuagoan erabiltzeko.

7. BAKION GARRAIOA ETA MUGIKORTASUNA

Foru Aldundiarekin lankidetzan, Bakio, Mungia eta Bermeoren arteko komunikazio arinagoa bultzatzea. Adierazitako egunetan maiztasuna handitzea eta gaueko konexio baten ezarpena aztertzea (Gautxori).

Helburua: Garraio publikoa eta mugikortasun garbia eta segurua sustatzea

Proposamenak:
• Bizkaibus-Komunikazio arinagoa eskualdearekin, maiztasun batzuk handituz
• Gautxori busa jai puntualetarako
• Bizikletaren sustapena
• Oinezkoentzako pasabideak, argiak eta beherapenak hobetzea
• TAOren ekipamendua eta zerbitzua modernizatzea
• Barne-trafikoari dagokionez, erdigunean trafikoa hustuko duen ertzeko bide bat diseinatzea.

Garraio publikoa, bidegorrien sarea eta, nola ez, oinezkoen eta bizikleten lehentasuna sustatzen jarraitu behar dugu, eta Bakioko zeharbidean trafikoa hustuko duen ertzeko bide bat diseinatu eta ahalik eta lasterren gauzatu, HAPOrako proposatu dugun bezala.

Eskualdearekiko eta Bilborekiko komunikazioari dagokionez, Bizkaiko Foru Aldundiaren eskutik Bizkaibus komunikazio arinagoa aztertu behar dugu, gabeziak dituzten maiztasun eta ordutegi batzuk handituz.

Bestalde, eskualdeko jai eta ekitaldi tradizionalez gozatu ahal izateko, autoa erabili beharrik gabe, batez ere segurtasunagatik, Gautxori autobus zerbitzua martxan jartzea gaueko ordutegian egun seinalatuetan, Bakio-Mungia edo Bakio-Bermeo konektatuz. Gazteek Gautxori erabili ahal izango dute etxera modu seguruan itzultzeko.

Udal barruan, EAJ-PNVk mugikortasun seguru eta garbian jartzen du arreta. Bizikleta garraiobide alternatibo gisa erabiltzearen hazkunde esponentzialaren aldeko apustua egiten dugu, eta oinezkoentzako guneak hobetzea.
Ezinbestekotzat jotzen dugu oinezkoentzako pasabideak berrikustea, lehentasun-guneak behar bezala seinaleztatuta eta argiztatuta daudela bermatzeko, eta beherapenak hobetzeko mugikortasunaren gaiarekiko bereziki sentikorrak diren kolektiboentzat.

Azkenik, gure konpromisoa adierazten dugu TAO aparkaleku arautuaren egungo sistema modernizatzeko, ibilgailuen errotazio zuzena bermatzeko, makinak eta ekipoak eguneratzeko eta egoiliarrei txartelen kudeaketa errazteko.

8. BAKIO GARBIAGOA ETA POLITAGOA

Herriaren eta auzoen garbitasuna hobetzeko, zakarrontzi gehiago jartzeko eta hiri-altzarien mantentze-lanak hobetzeko baliabide gehiago jartzea proposatzen ditugu. Bakiotarrak zaintzeko, Bakio zaindu behar dugu.

Helburua: Bakio zaintzea, hiri-altzarien mantentze-lanak nabarmen hobetzea

Proposamenak:
• Zerbitzu berri zabalagoa eta hobetua, kudeaketan eta plangintzan aldaketak eginez.
• Garbiketa-ibilbideak berrantolatzea eta makineria-flota handitzea
• Ordezko edukiontzien stocka handitzea
• 5. edukiontzia gehitu
• Dendetako kartoia eta beira gaika biltzeko bilketa-talde bat antolatzea.
• Hiri-altzariak etengabe berrikustea eta konpontzea

EAJ-PNVk Bakio garbiagoa eta politagoa nahi du. Gure udalerria zaintzeko baliabide onak izatearen garrantzia nabarmendu nahi dugu, eta, horretarako, garbiketa-zerbitzu berri bat proposatzen dugu, handitu eta hobetuko dena, eta Bakioren neurrira egindako lorezaintza. Zerbitzu honetan, kudeaketa ona eta plangintza ona funtsezkoak dira.

Gaur egun Bakion gutxien baloratzen den zerbitzuetako bat izanik, gure planteamendu berriak ditugun baliabideak hobeto antolatzea du helburu. Ezinbestekotzat jotzen dugu hondakinak biltzea, hondatutako edukiontziak azkar kendu eta konpontzea.

Zerbitzu berriaren asmoa da, halaber, gaikako bilketak are gehiago indartzea eta birziklatzearen aldeko apustua egitea. 5.edukiontzia gehitzea, dentsitate handiko eremuetan maiztasuna handitzea, edukiontzietatik kanpo poltsarik ez uzteko. Alde horretatik, etxeko papera eta kartoia biltzea bultzatuko da, eta denda eta hostalaritzantzako bilketa-ekipo bat erabiliko da kartoi komertziala gaika biltzeko, edukiontziak kolapsatzea saihestuz.

Kaleak garbitzeko atalean, egungo ekortze-bideak berrantolatuko dira, eta makineria-flota handituko da, eremu gehiagotara iristeko.

Beste lehentasunetako bat hiri-altzariak berrikustea eta konpontzea izango da, beti prest edukitzeko, bai eta belarrak kentzea, pintatzea eta hustubideak garbitzea ere.

Gure maskotak ere gogoan hartuta eta esparru zabal batean libre paseatu ahal izan dezaten, txakurrentzako berariazko parke gisa espazio bat jartzea proposatzen dugu. Haiekin etxetik gertu jarduerak egiteko eta elkarrekin osasun- eta segurtasun-baldintza onetan gozatzeko modu bat.

9. BAKIO BERDEAGOA

Iraunkortasuna udal sail eta arlo guzti-guztietan txertatzea proposatzen dugu, batez ere datozen belaunaldien etorkizun iraunkorra bermatuz.

Helburua: Datozen belaunaldien etorkizun iraunkorra bermatzea

Proposamenak:
• Gure natura-ondareari balioa ematea
• Bakea-Solozarre parkea garatzen jarraitu eta hondartzatik Artzalderaino zabaldu
• Uholdeen aurreko larrialdi-plana
• Ibaiaren ondoko lurzorua antolatzea eta ibilguak eta zubiak ondo mantentzea
• CO2 emisioak murriztea, udal ibilgailuez eta makina hibridoez edo elektrikoez hornituz; Bakioko hainbat gunetan karga-puntu elektrikoak dituzten aparkalekuak

Bakiok bere lurraldeari forma ematen eta bere ondare naturalari balioa ematen jarraitu behar du.

2006an Solozarre-Bakea parke handi bat proiektatu zen, Bakioko bi hiriguneak inguruarekin errespetuz lotuz, bi guneak hurbiltzeko lehen urrats bat emanez. Bakioko ardatz berdean kokaturiko proiektuak pasealekuak izango ditu, hezeguneak eta putzuak mantenduko ditu. Aldi berean, espezie autoktonoak dituzten landaketak sustatuko dira. Ibaiaren, itsasadarraren eta biodibertsitatearen ertzak ere leheneratuko dira. Horrela, trazatutako ibilbideak eremu bat gehiago eman nahi dio Bakiori, herritarrek bere habitat naturalaren ondoan goza dezaten.

Gainera, Bakio kostaldeko kilometro askoko udalerria da, itsasgorak eta olatuek eragindako arriskuei lotuta, bai eta Estepona eta Ondarre eta horien ibaiadarrak elkartzeak eragindako ibai-uholdeei ere. Errealitate horren aurrean, gure ibaietako ur-goraldiak egokitu eta arintzera bideratutako ekimenak proposatzen ditugu. Gure ustez, Bakiok Larrialdi Plan bat izan behar du uholde-arriskuei aurre egiteko, gero eta ohikoagoak eta muturrekoagoak izan daitezke. Bestalde, prebentzioz, eta biztanleek eta ondasunek kalterik jasan ez dezaten, beharrezkoa da ibai-ibilguetatik gertu dagoen lurzoruaren erabilerak antolatzea eta ibilguak eta zubiak behar bezala mantentzea.

Era berean, atmosferara egiten diren CO2 emisioak murrizteko ekimen gisa, udal sailetako ibilgailuak, hala nola udaltzainak, mantentze-lanak eta zerbitzuak, teknologia hibridokoak edo elektrikokoak izan daitezen apustu egiten dugu. Era berean, aparkaleku-plazak sortuko lirateke erabilera publikorako karga-gune elektrikoekin, eta autokontsumorako eguzki-plakak jarriko lirateke udal-eraikin eta -zerbitzuetan.

Bakio debe seguir dando forma a su territorio y poner en valor su patrimonio natural. 

10. BAKION PARTE-HARTZEA. 

Kudeaketa eraginkorra bermatzen dugu, agintzen dena betetzea, egungo gobernu-taldearen politika populistatik aldenduz. Kontuen berrerospen jarraitua eta herritarren benetako parte-hartzea sustatu eta bultzatuko duen hurbileko politika.

Helburua: Herritarren neurrirako gardentasuna eta benetako parte-hartzea sortzea

Proposamenak:
• Udal-administrazioaren lana gardentasunez eta modu ulergarrian azaltzea
• Gardentasuna eta kontuak ematea gastu publikoa gauzatzera hedatzea
• Herritarren parte-hartzea bultzatzea eta sendotzea
• Herritarren proposamen guztien jarraipen xehatua
• Bakiotarren eskaerak eta iradokizunak erantzun gabe ez uzteko konpromisoa

EAJ-PNVk dagoen informazioa hobetzeko eta informazio hori ulergarriagoa eta errazagoa egiteko konpromisoa hartzen du, kristalezko hormen bidezko entitatearen filosofian aurrera eginez.

EAJ-PNVren kudeaketak, osorik eta herritarra ardatz hartuta, gardentasun osoz eta modu ulergarrian azalduko du Udal Administrazioaren lana (kontratazioa, dirulaguntzak, parte hartzeko aurrekontuak…), eta herritarrei informazio erabilgarria, ulergarria, sinplea eta argia eskainiko die.

Gardentasuna eta kontuak ematea gastu publikoa gauzatzera hedatu nahi ditugu. Jakin, adibidez, zer gastatzen den hondakinen bilketan, zenbat tona biltzen diren, zenbat birziklatzen den, eta abar. Guztion eskura dagoen informazioa, hizkera errazean, herritar guztiak eragile aktibo senti daitezen eta udal-errealitatea ezagut dezaten.

EAJ.EAJk herritarren parte-hartzea bultzatuko du, herritarrek eta Bakioko eragileek udal-politikak diseinatzen, gauzatzen eta ebaluatzen parte har dezaten, parte-hartze zuzeneko mekanismoen bidez. Aurrekontu parte-hartzaileak egiteko eta gauzatze-mailaren jarraipena argitaratzeko konpromisoa hartzen dugu, proiektu bakoitzaren etengabeko ebaluazioa erraztuz.

11. BAKION KIROLA GUZTIONTZAT

Kirola ongizatea da. Herritarren artean kirola sustatzearen aldeko apustua egiten dugu, batez ere gazteen, emakumeen, hirugarren adinekoen eta ezgaituen artean. Kiroldegiko makina zaharkituak berrituz instalazio onak bermatzea.

Helburua: kirola sustatzea

Proposamenak:
• Kiroldegia ongizatearen eta osasunaren sortzaile gisa indartzea
• Oinarrizko kirolari eta kirol-elkarteei laguntzea
• Kalean egiteko kirola bultzatzea.

EAJ-PNV Bakiok, Bakio kirol eta aisialdi gune bihurtzeko apustua berretsi du.
Gure agendan, kiroldegia lehenetsitako helburuetako bat da: estrategikoki aprobetxatzea Bakiok bere kirol instalazioen kalitatea motor ekonomiko bihurtzeko duen aukera, kirol ekitaldiak antolatzeko duen ibilbidea, kirolaren eta osasunaren arteko binomioa indartzeko intsignia ontzi gisa duen funtsezko papera. Horregatik guztiagatik, kiroldegiak kalitate gorena bermatu behar du, baita egokitu eta etengabe berritu beharreko ekipamendua ere.
Gure estrategiaren beste ardatz bat da, zalantzarik gabe, oinarrizko kirola zaintzea eta babestea, udalerriko federazioen, kluben, fundazioen eta kirol-elkarteen bitartez, eta guztiontzako praktika osasungarria sustatzea.

EAJ-PNVren apustua, gainera, kirola eta ariketa fisikoa kalean sustatzea da. Kirolaren bidez espazio publikoen eta berdeguneen erabilera sustatu nahi da. Izan ere, Bakiok parke ugari ditu paseatzeko, running egiteko, bizikletan ibiltzeko edo surfa, mendi-ibiliak eta mendia praktikatzeko. Oinezkoentzako eta bizikletentzako ibilbideen eta osasun-parkeen sare zabala osatu nahi dugu Bakioko hainbat puntutan.

12. EUSKERA Y CULTURA

Euskara da gure nortasun-ikurra. Ez da beste inon hitz egiten eta komunitate txikia gara. Egoera horrek ahalegin handia eskatzen du gure aldetik, eta guk egiten ez badugu, beste inork ez du egingo.

Helburua: Euskararen erabilera bultzatzea

Proposamenak:
• Herritar guztien artean euskararen ikasketa eta praktika sustatzea
• Etorkinentzako hizkuntza-harrerako ikastaroak ezartzea
• Kultur-etxean askotariko kultur proposamenak eta entzunaldi-areto berria eskainiko ditu
• Udalerriko kolektibo eta elkarteei laguntzea.

Tokiko gobernuaren zereginetako garrantzitsuenetariko bat EUSKERAREN erabilera sustatzea eta zerbitzu guztietan euskararen erabilera bermatzea izango da. 

Horretarako, euskara ikastea eta euskarazko kultur jardueren eskaintza sustatu eta diruz lagunduko da, baita berbalagun, irakurketa txoko eta abarretako taldeentzako laguntzak ere.
Beste gizarte-talde batean eragiteko, etorkinentzako hizkuntza-harrerako ikastaroak ezartzea proposatzen dugu, Eusko Jaurlaritzako Kultura Sailarekin lankidetzan.
Euskararen eta Kulturaren inguruan, boluntario eta irabazi asmorik gabeko elkarte askok Bakioko kultur eta gizarte jarduerari egiten dioten ahalegina aitortu nahi dugu EAJ-PNVtik.

KULTURAren aldeko apustua egiten dugu, ekipamendu eta zerbitzu berriak eskainiz Kultur-etxean, Bakioren eta gure kolektibo eta elkarteen alde. Erabilera anitzeko kultur areto bat prestatzea proposatzen dugu, auditorioa, hitzaldi eta erakusketetarako aretoa izango dena, atondoa/kamerinoak izango dituena, hitzaldietarako, zinemarako, antzerkirako eta formatu txikiko kontzertuetarako erabiltzeko aukera izango duena, besaulki eta eszenatokiekin, jarduera desberdinak ahalbidetzeko eta elkarte soziokulturalei beren lan erreztu eta nabarmentzeko.